ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
11 ოქტომბერს 12.00 საათზე, ივანე ჯავახიშვილის სახელობის თბილისის სახელმწიფო უნივერსიტეტში გაიხსნება ყოველწლიური საერთაშორისო კონფერენცია „ქართული დიასპორა: წარსული და თანამედროვეობა II.“
კონფერენციის ორგანიზატორია თსუ ჰუმანიტარულ მეცნიერებათა ფაკულტეტთან არსებული ქართულ დიასპორათა სამეცნიერო კვლევის ცენტრი. კონფერენციის თანაორგანიზატორები: რუსთაველის ეროვნული სამეცნიერო ფონდი, საქართველოს პარლამენტის ეროვნული ბიბლიოთეკა, სტამბოლის ქართული ხელოვნების სახლი, სამცხე-ჯავახეთის სახელმწიფო უნივერსიტეტი, სულხან-საბა ორბელიანის უნივერსიტეტი.
წლევანდელი კონფერნცია ეძღვნება თურქეთში მოღვაწე ქართველი მეცენატის დოქტორ სიმონ ზაზაძის ხსოვნას.
მუშაობაში მონაწილეობენ მეცნიერები საქართველოსა და თურქეთის 20-ზე მეტი უმაღლესი სასწავლებლიდან და სამეცნიერო კვლევითი ცენტრიდან.
კონფერენციაზე წარმოდგენილი მოხსენებები ეხება სტამბოლის ქართული კათოლიკური სავანის, დოქტორ სიმონ ზაზაძისა და ზაზაძეების საგვარეულოს ისტორიასა და დამსახურებას ქართული კულტურის წინაშე; ქართული კათოლიციზმის ისტორიას, ისტორიულ ქართულ დიასპორათა (თურქეთში, ირანსა და აზერბაიჯანში) ყოფას, კულტურას, ენობრივ ვითარებას.
დამატებითი ინფორმაცია იხ. პროგრამაში.
მისამართი: ი.ჭავჭავაძის გამზ.1, თსუ პირველი კორპუსი, თსუ სააქტო დარბაზი